(ஏ.எல்.றமீஸ்)
அட்டாளைச்சேனை பிரதேச சபையின் 2026 ஆம் ஆண்டிற்கான வரவு செலவுத் திட்டம் இன்று காலை தவிசாளர் ஏ.எஸ்.எம்.உவைஸ் தலைமையில் கூடியது.
இதன் போது 2026 ஆம் ஆண்டிற்கான வரவு செலவுத் திட்ட அறிக்கை சபையில் சமர்ப்பிக்கப்பட்டு உறுப்பினர்களின் கருத்துக்கள் கேட்டறியப்பட்டது.
உறுப்பினர்களின் கருத்துக்களைத் தொடர்ந்து வாக்கெடுப்பிற்கு விடப்பட்டது.
முஸ்லிம் காங்கிரஸைச் சேர்ந்த ஏழு உறுப்பினர்கள் அகில இலங்கை மக்கள் காங்கிரஸின் மூன்று உறுப்பினர்கள் தேசிய காங்கிரஸின் இரண்டு உறுப்பினர்கள்.ஐக்கிய மக்கள் சக்தியின் ஒரு உறுப்பினர் உட்பட 13 உறுப்பினர்கள் வரவு செலவுத் திட்டத்திற்கு ஆதரவாக வாக்களித்தனர்
தேசிய மக்கள் சக்தியின் மூன்று உறுப்பினர்கள் எதிராக வாக்களித்தனர்.