இலங்கையின் தற்போதைய நிதிக் கொள்கைக் கட்டமைப்பு மற்றும் அது தொடர்பான பொருளாதார விடயங்கள் குறித்து நாடாளுமன்ற உறுப்பினர்களுக்கு விளக்கமளிக்கப்படவுள்ளது.
இலங்கை மத்திய வங்கியால் (CBSL) அதற்கான விளக்கமளிப்பதற்கான விசேட செயலமர்வொன்று ஏற்பாடு செய்யப்பட்டுள்ளது.
திகதி அறிவிப்பு
குறித்த செயலமர்வு, இலங்கை மத்திய வங்கி ஆளுநர் மற்றும் மத்திய வங்கியின் சிரேஷ்ட அதிகாரிகளின் பங்கேற்புடன், ஜூன் 10 ஆம் திகதி நாடாளுமன்ற வளாகத்தில் நடைபெறவுள்ளது.
பிரதி தொழில் அமைச்சரும், நிதி மற்றும் திட்டமிடல் பிரதி அமைச்சருமான அனில் ஜயந்த விடுத்த கோரிக்கையைத் தொடர்ந்து இந்த ஏற்பாடு மேற்கொள்ளப்பட்டுள்ளது.
கடந்த திங்கட்கிழமை நடைபெற்ற நாடாளுமன்ற அலுவல்கள் மீதான குழுவின் கூட்டத்தில் குறித்த செயலமர்வுக்கு ஒப்புதல் வழங்கப்பட்டுள்ளது