அமெரிக்காவின் தீர்வை வரி குறைப்பு! இலங்கைக்கு கிடைத்துள்ள பாரிய வெற்றி

 

இலங்கையில் இருந்து ஏற்றுமதியாகும் பொருட்களுக்கு அமெரிக்கா விதித்திருந்த தீர்வை வரியை இன்னும் குறைத்துள்ளது.

ஜனாதிபதி டொனல்ட் ட்ரம்ப் நிர்வாகம் சர்வதேச நாடுகளில் இருந்து அமெரிக்காவுக்கு இறக்குமதி செய்யப்படும் பொருட்களுக்கான தீர்வை வரியை அண்மையில் அதிகரித்து அறிக்கை வெளியிட்டது.

தீர்வை வரி

அதன் பிரகாரம் இலங்கையின் ஏற்றுமதிப் பொருட்களுக்கும் கூடுதல் வரி விதிக்கப்பட்ட போதும், ராஜதந்திர நடைமுறைகள் மூலம் குறித்த வரி பின்னர் 30 வீதமாக குறைக்கப்பட்டது.

எனினும் இலங்கை அரசாங்கத்தின் தொடர் முயற்சிகள் காரணமாக குறித்த வரி தற்போதைக்கு இன்னும் குறைக்கப்பட்டு, 20 வீத தீர்வை வரி அறிவிக்கப்பட்டுள்ளது.

குறித்த வரி விதிப்பு இம்மாதம் 07ம் திகதியில் இருந்து நடைமுறைக்கு வரும் என்று அறிவிக்கப்பட்டுள்ளது.