சிறப்பு தேடுதல் நடவடிக்கையில் ஏராளமானோர் கைது

 போதைப்பொருள் மற்றும் குற்றங்களில் ஈடுபடும் நபர்களைக் கைது செய்வதற்காக செயல்படுத்தப்படும் சிறப்பு தேடுதல் நடவடிக்கைகளின் ஒரு பகுதியாக நேற்று (25) முழுவதும் மேலும் பல தேடுதல் நடவடிக்கைகள் மேற்கொள்ளப்பட்டன.

பொலிஸ் அதிகாரிகள், சிறப்பு அதிரடிப்படை மற்றும் முப்படை உறுப்பினர்கள் உட்பட 6,500க்கும் மேற்பட்ட பாதுகாப்புப் படையினர் இதில் பங்கேற்றுள்ளனர்.

சிறப்பு தேடுதல் நடவடிக்கையின் போது, 24,281 நபர்கள் சோதனை செய்யப்பட்டுள்ளனர், மேலும் 10,175 வாகனங்கள் மற்றும் 7,240 மோட்டார் சைக்கிள்கள் சோதனை செய்யப்பட்டுள்ளன.

அதன்படி, இந்த நடவடிக்கையின் போது போதைப்பொருள் குற்றங்களுக்காக 1,455 நபர்கள் கைது செய்யப்பட்டுள்ளனர், மேலும் 374 கிராம் 336 மில்லிகிராம் ஐஸ் மற்றும் 218 கிராம் 281 மில்லிகிராம் ஹெராயின் உள்ளிட்ட ஏராளமான போதைப்பொருட்கள் பொலிஸாரார் கைப்பற்றப்பட்டுள்ளன.

மேலும், சோதனைகளின் போது குற்றங்களில் நேரடியாக ஈடுபட்ட 17 பேர் கைது செய்யப்பட்டனர், மேலும் பல்வேறு குற்றங்களுக்காக பிணை உத்தரவு பெற்ற 408 பேரும் இந்த தேடுதல் நடவடிக்கையின் போது பொலிஸாரால் கைது செய்யப்பட்டனர்.